चर्च ब्वाइज सी डिभिजन च्याम्पियन
काठमाडौँ — चर्च ब्वाइजले सोमबार सहिद स्मारक लिग सी डिभिजनको उपाधि जितेको छ । जितसँगै चर्च ब्वाइज बी डिभिजनमा उक्लिन सफल रह्यो ।
उसले अन्तिम लिग खेलमा झापा फुटबल क्लबलाई २–१ ले पराजित गर्यो । सातदोबाटोको एन्फा कम्प्लेक्समा भएको खेलमा चर्च ब्वाइजका लागि रिजन माझी र सोम थापाले गोल गरे । झापाका लागि श्यामुले एक गोल फर्काए ।
उपाधिसँगै चर्च ब्वाइजले १० लाख रुपैंया पनि हात पारेको छ । चर्च ब्वाइजसँगै वीरगञ्ज युनाइटेड क्लब र सामाजिक युवा क्लब पनि बी डिभिजनमा उक्लेका छन् । यस्तै, सानो गौचरण भने सी डिभिजनमा झरेको छ ।
प्रकाशित : चैत्र ३०, २०७७ १९:५४प्रतिक्रिया