आहा रारा गोल्डकप : पुलिस सेमिफाइनलमा

खेलको पहिलो हाफको २८ औं मिनेटमा एक गोल गरी अग्रता दिलाएका तामाङले ५७ औं मिनेटमा अर्को गोल गरेका थिए । यसैगरी खेलको ६३ औं मिनेटमा निरकुमार राईले पुलिसका लागि अर्को गोल थपे भने ८५ औं मिनेटमा पुग्दा याख्याले एक गोल गर्न सफल भए । याख्याले सुमन लामाको पासको सदुपयोग गरेका थिए ।

यी दुवै टोली यसअघिका आहा रारा कपमा ७ पटक भेट भइसकेकोमा ५ खेल पुलिस र २ खेल थ्रीस्टारको पोल्टामा पुगेको थियो । सेमिफाइनलको यात्रा तय गरेको पुलिसले अब अफ्रिकी रुट्स एसोसिएशनको क्यामरुनसँग खेल्नेछ ।

यसअघिका क्वाटरफाइनल खेलमा संकटा क्लबले मनाङ मस्र्याङदी क्लबलाई, क्यामरुनले मछिन्द्रलाई, एपिएफले आयोजक सहारालाई हराएर सेमिफाइनलमा पुगेका थिए ।