गत चैतमा सरकारले लकडाउन गरेदेखि नै बाहिरी व्यक्तिलाई गाउँ प्रवेशमा रोक लगाएका घान्द्रुकबासीले दसैंतिहारजस्ता चाडपर्व घरमै मात्र मनाउने निर्णय गरेका छन् । घान्द्रुक पर्यटन समितिको बिहीबारको बैठकले आफूहरू टीका थाप्न बाहिर नजाने र बाहिरबाट पनि कसैलाई नआउन भनेको हो ।
गण्डकी प्रदेश सरकार, यस मातहतका विभिन्न कार्यालय र निकायविरुद्ध आर्थिक वर्ष २०७६/०७७ मा २७ मुद्दा दर्ता भएका छन् । मुख्यमन्त्री तथा मन्त्रिपरिषद्को कार्यालयविरुद्ध १२ वटा मुद्दा लागेका छन् ।
गण्डकी प्रदेशमा खेलकुदको बिकास, विस्तार, प्रवर्द्धन तथा अध्ययन, अनुसन्धानलगायत खेलकुदको सञ्चालन र व्यवस्थापनका लागि प्रदेश खेलकुद परिषद् गठनको बाटो खुलेको छ ।
संघीय सरकार मातहतकै प्रहरीको भर पर्नुपर्ने गुनासो रहेका बेला गण्डकी प्रदेशमा अब आफ्नै प्रहरी राख्ने बाटो खुलेको छ । प्रदेश सरकार गठन भएको तीन वर्ष पुग्नै लाग्दा बुधबारको प्रदेशसभा बैठकबाट प्रदेश प्रहरीसम्बन्धी विधेयक पारित भएसँगै प्रहरी संगठन स्थापनामा सहज भएको हो ।
पहिरोले थिचिएको छिमेकीको घरभित्रबाट ‘गुहार, गुहार’ को आवाज आएपछि दुर्गा लुइँटेल झसंग भए । एकछिनसम्म केही मेसो पाएनन् । ‘बचाऊ, बचाऊ’ भन्दै चलेको रुवाबासी बाहिरैसम्म सुनिन्थ्यो । उनीसँगै भएका अरू छिमेकीले पनि यताउता हेरे । उद्धार गर्ने ठाउँ भेटिएन । यत्तिकैमा लुइँटेलको खुट्टा कसैले समात्यो । टिन उठाएर हेर्दा १६ वर्षीया मनीषा नेपाली आधा पुरिएको अवस्थामा भेटिइन् ।
विभिन्न वन्यजन्तुको आखेटोपहारसहित प्रहरीले मंगलबार साँझ धादिङको गल्छी गाउँपालिका–४ का २८ वर्षीय सन्तोष लामिछानेलाई पक्राउ गरेको छ । आखेटोपहारको अवैध ओसारपसार र कारोवार हुदै गरेको सूचनाका आधारमा उनलाई पोखरा–३१ बाट पक्राउ गरिएको प्रहरीले जनाएको छ ।
लकडाउनका कारण बन्द आन्तरिक हवाई सेवा सोमबारदेखि सञ्चालनमा आएको छ । नेपाल सरकारको भदौ २९ को मन्त्रिपरिषद्को निर्णय अनुसार झन्डै ६ महिनापछि आन्तरिक उडान सेवा सञ्चालन भएको हो ।
सरकारले बिहीबारदेखि लामो दूरीका सवारीसाधन, आन्तरिक हवाइ उडान, होटल, रेष्टुरेन्ट खुला गर्न दिने निर्णय गरेपनि कास्कीको प्रसिद्ध पर्यटकीय गाउँ घान्द्रुकका होटल भने एक महिनापछि मात्रै खुल्ने भएका छन् ।
कोरोना संक्रमणबाट पोखरा–१० का ७० वर्षीय एक पुरुषको मृत्यु भएको छ । क्यान्सर रोगबाट पीडित उनको पोखराकै मनिपाल शिक्षण अस्पतालमा उपचारका क्रममा सोमबार राति ११ बजेर २० मिनेटमा मृत्यु भएको प्रदेश स्वास्थ्य निर्देशनालयले जनाएको छ ।
गण्डकी प्रदेशमा कोरोना संक्रमितको संख्या ३ हजार ११ पुगेको छ । सोमबार विभिन्न जिल्लामा ३९ संक्रमित थपिएका छन् । प्रदेश स्वास्थ्य निर्देशनालयका अनुसार सबैभन्दा बढी कास्कीमा १७ जना संक्रमित थपिएका छन् । यसैगरी तनहुँमा ११, गोरखामा ९ र बागलुङमा दुई जना छन् ।
