काठमाडौँ — सहिद स्मारक बी डिभिजन लिगको शीर्ष स्थानमा रहेको सातदोबाटोले सोमबार आफ्नो अपराजित यात्रा कायम राखेको छ र यसक्रममा श्री भगवती क्लबलाई १–० ले पराजित गरेको छ ।
सातदोबाटोको एन्फा कम्प्लेक्समा भएको खेलमा दोर्जे तामाङले पेनाल्टीबाट २५ औं मिनेटमा निर्णायक गोल गरे । यो जितपछि सातदोबाटोको आठ खेलबाट २२ अंक भएको छ ।
श्री भगवती भने आठ खेलबाट ६ अंकसहित नवौं स्थानमा छ । यसअघि सोमबारको पहिलो खेलमा आरसीटीले टुसाल युथ क्लबलाई १–० ले पराजित गरेको थियो । त्यसमा अजित गुरुङ निर्णायक गोल गरे ।
आरसीटीको यो जितपछि आठ खेलबाट १२ अंक भएको छ । टुसालको भने आठ खेलबाट आठ अंक छ ।
प्रकाशित : फाल्गुन १७, २०७७ १८:०२प्रतिक्रिया
