च्याम्पियन्स लिग : सिटी र रियल विजयी
लन्डन — म्यानचेस्टर सिटीले युरोपेली च्याम्पियन्स लिग अन्तिम १६ पहिलो लेगमा बुधबार बोरुसिया मुन्छेनग्लाडबाखलाई २–० ले पराजित गरेको छ । अर्को खेलमा रियल म्याड्रिडले एटलान्टालाई १–० ले विजयी रह्यो ।
दुवै टिम घरबाहिर विजयी रहेका हुन् र यससँगै उनीहरूको अर्को चरण पुग्ने सम्भावना बलियो भएको छ । सिटीले प्राप्त गरेको बलियो अग्रतामा बर्नार्डो सिल्भा र ग्याब्रिएल जिससले एक-एक गोल गरे ।
क्लबको यो सबै खाले प्रतियोगितामा गरेर लगातार १९ औं जित हो । रियलले दस खेलाडीमा सीमित एटलान्टालाई हराउन फेरल्यान्ड मेन्डीले निर्णायक गोल गरे ।
बराबरीतर्फ अग्रसर देखिएको खेलमा मेन्डीले ८६ औं मिनेटमा उत्कृष्ट गोल गरे ।
प्रकाशित : फाल्गुन १३, २०७७ ०७:२५प्रतिक्रिया