साउथह्याम्पटनमाथि लिड्सको प्रभावशाली जित
लन्डन — प्याट्रिक बामफोर्डले गरेको सिजनको १३औं व्यक्तिगत गोलमा लिड्स युनाइटेडले मंगलबार इंग्लिस प्रिमियर लिगमा साउथह्याम्पटनलाई ३–० ले हराएको छ । लगातार दुई खेलमा हारपछि लिड्सले यो प्रभावशाली जित निकालेको हो ।
साउथह्याम्पटन पनि खराब लयमा छ । उसले पछिल्ला आठ खेल कुनैमा जित निकाल्न सकेको छैन । लिड्सको जितमा भने स्टुवार्ट डलास र राफिन्हाले गोल गरे । यो जितपछि लिड्स ३५ अंकसहित फेरि शीर्ष दसमा प्रवेश गर्न सफल भएको छ । साउथह्याम्पटन भने ३० अंकसाथ १४औं स्थानमा छ ।
प्रतिक्रिया
