श्रीलंकामाथि इंग्ल्यान्डको ह्वाइटवास
गाले — इंग्ल्यान्डले श्रीलंकाविरुद्धको दोस्रो तथा अन्तिम टेस्ट सोमबार चौथो दिनमै जितेको छ र यससँगै दुई टेस्ट शृंखला २–० ले जितेर ह्वाइटवास पनि गरेको छ ।
इंग्ल्यान्डले जितका लागि आफ्नो दोस्रो इनिङ्समा १ सय ६४ रनको लक्ष्य पाएकोमा त्यसलाई चार विकेट गुमाएर पूरा गर्यो र छ विकेटको जित दर्ता गर्यो । इंग्ल्यान्ड लक्ष्य पछ्याउने क्रममा एक समय चार विकेट गुमाएर ८९ रनको स्थितिमा थियो र यससँगै दबाबमा आएको थियो ।
उसका लागि डम सिबलीले ५६ रन बनाएर नटआउट रहे । उनले जस बटलरसँग मिलेर निर्णायक ७५ रनको साझेदारी गरे । बटलर ४६ रन बनाएर नटआउट रहे ।
यसअघि श्रीलंका आफ्नो दोस्रो इनिङ्समा १ सय २६ रन मात्र बनाएर अलआउट भएको थियो ।
प्रकाशित : माघ १२, २०७७ १९:१३प्रतिक्रिया