म्यानचेस्टरले लिभरपुललाई ३-२ ले हरायो

माघ १२, २०७७एजेन्सी

लन्डन — ब्रुनो फर्नान्डेजले ७८ औं मिनेटमा फ्रिकिकबाट गरेको उत्कृष्ट गोलमा म्यानचेस्टर युनाइटेडले आइतबार एफएकपमा लिभरपुललाई ३–२ ले हराएको छ ।

ओल्ड ट्रायफोर्डमा भएको खेलमा लिरभपुलले मोहम्मद सलाहको गोलले अग्रता लिएको थियो ।

त्यसयता मेसन ग्रिनउडले बराबरी गोल गरे भने मार्कस रसफोर्डले दोस्रो गोल थपे । लिभरपुलको बराबरी गोल पनि सलाहकै नाममा रह्यो । त्यस स्थितिमा फर्नान्डेजले निर्णायक गोल गरे र म्यानचेस्टर पाँचौ चरण पुग्न सफल रह्यो ।

_{तस्बिर : रोयटर्स}