इंग्ल्यान्डमाथि श्रीलंका हाबी
गाले — श्रीलंका र इंग्ल्यान्डबीचको दोस्रो टेस्टको दोस्रो दिन शुक्रबारको खेल समाप्त हुँदा घरेलु टिम बलियो स्थितिमा रह्यो । तर पाहुना टिमले पनि बलियो जवाफ फर्काउन प्रयास गरेको छ ।
दिनको समाप्तीमा इंग्ल्यान्डले दुई विकेटमा ९८ रन बनाएको छ र अझै २ सय ८३ रनले पछाडि छ । पाहुना टिमका लागि कप्तान जोए रुट ६७ र जोनी बियरस्टो २४ रन बनाएर खेलिरहेका छन् ।
उनीहरूले तेस्रो विकेटका लागि ९३ रनको साझेदारी गरिसकेका छन् । इंग्ल्यान्डले ज्याक क्रलीलाई पाँच र डम सिबलीलाई शून्यमा गुमाएको थियो । यी दुवै विकेट लसिथ इमबुल्डेनियाले लिए ।
श्रीलंकाले यसअघि आफ्नो पहिलो इनिङ्समा सबै विकेट गुमाएर ३ सय ८१ रन बनाएको थियो ।
प्रकाशित : माघ १०, २०७७ १८:१३प्रतिक्रिया