गजराज जोशी स्मृति फुटबल : पहिलो खेल बराबरी

लिगकम नकआउटको आधारमा आयोजित प्रतियोगिताको समूह ‘ए’को प्रतिस्पर्धामा वडा नम्बर ६ को लागि कृष्ण गुरुङले गोल गरे भने समीर गुरुङको पेनाल्टी गोलमार्फत् वडा ७ ले अंक जोडन सक्यो । समीर अर्को एक पेनाल्टीमा भने चुकेका थिए ।

एसडी ९९ स्पोर्टस् कर्नरद्वारा आयोजित प्रतियोगितामा टोखा नगरपालिकाका ११ मध्ये ७ वटा वडाको टिम सहभागी छन् ।

माघ १३ सम्म चल्ने प्रतियोगिताको विजेताले ७० हजार र उपविजेताले ३५ हजार रुपैया प्राप्त गर्नेछन् ।