कान्तिपुरकर्मी शाहलाई ‘पत्रकारिता सम्मान’
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
धनगढी — नेपाल पत्रकार संघ सुदूरपश्चिम प्रदेश समितिले कान्तिपुरकर्मी अर्जुन शाहलाई ‘पत्रकारिता सम्मान’ प्रदान गरेको छ । सुदूरपश्चिममा पत्रकारिताको विकासका साथै प्रेस तथा अभिव्यक्ति स्वतन्त्रताको संरक्षणमा निर्वाह गरेको महत्त्वपूर्ण योगदानको सम्मान गर्दै महासंघले शुक्रबार धनगढीमा आयोजित तेस्रो अधिवेशन तथा चौथो साधारणसभामा सम्मानित गरेको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![कान्तिपुरकर्मी शाहलाई ‘पत्रकारिता सम्मान’](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/arjun-2552024054838-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सुदूरपश्चिमका मुख्यमन्त्री दीर्घबहादुर सोडारीले शाहलाई प्रमाणपत्रसहित दोसल्लाद्वारा ‘पत्रकारिता सम्मान’ प्रदान गरेका हुन् । दुई दशकदेखि कान्तिपुरमा कार्यरत शाह महासंघको सुदूरपश्चिम प्रदेश समितिका संस्थापक प्रदेश अध्यक्षसमेत हुन् ।
शाहसँगै महासंघले पत्रकारिता सम्मान कर्ण शाह, राजेन्द्र नाथ र हेमन्ती चौधरीलाई प्रदान गरेको छ । जेष्ठ पत्रकारिता सम्मान सिद्धराज भट्ट, सञ्चारमाध्यम पत्रकारिता सम्मान धनगढीस्थित पश्चिम टुडे मिडिया हाउसका दीर्घराज उपाध्याय, दुर्गम क्षेत्र पत्रकारिता सम्मान बाजुराका निमेन्द्र शाहीलाई प्रदान गरेको छ । साथै पत्रकारिता पेसामा रहेर निरन्तर रक्तदान गर्दै गर्दै आएका धनगढीका दीपक उपाध्यायलाई महासंघले समाज सेवा सम्मान गरेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)