बैतडीमा जिप दुर्घटना, ३ जना घाइते- सुदूरपश्चिम - कान्तिपुर समाचार
कान्तिपुर वेबसाईट
AdvertisementAdvertisement

बैतडीमा जिप दुर्घटना, ३ जना घाइते

तृप्ति शाही

बैतडी — बैतडीमा जिप दुर्घटना हुँदा तीन जना घाइते भएका छन् । जिल्ला सदरमुकाम गोठलापानीबाट दोगडाकेदार गाउँपालिका —४ को बसालीतर्फ गइरहेको से १ ज २२६ नम्बरको जिप बिहीबार दिउँसो ४ बजेतिर दोगडाकेदार —३ को तारलमा दुर्घटना भएको हो ।

दुर्घटनामा दोगडाकेदार गाउँपालिका —५ न्वालीका १४ वर्षीय भीम धामी, २५ वर्षीय दीपकसिंह कार्की र दशरथचन्द नगरपालिका ११ बर्तोलीका डम्मर महरा घाइते भएका छन् । उनीहरुलाई उपचारका लागि धनगढी पठाइएको खोचलेक प्रहरीचौकीका प्रमुख प्रहरी नायव निरीक्षक मोती बमले जनाए ।

१० जना सवार जिप सडकबाट करिब ५० मिटर तल खसेको छ । सडक चिप्लो भएका कारण जिप चिप्लेर दुर्घटनामा परेको हुन सक्ने प्रहरीको अनुमान छ । जिप चालक भने फरार रहेका र उनको खोजी भइरहेको प्रहरीले जनाएको छ ।

प्रकाशित : मंसिर १६, २०७८ १७:०५
प्रतिक्रिया
पठाउनुहोस्

देउवा र दाहालसँग मैले पटक-पटक न्यायालयको विवाद टुंग्याउन भन्दै आएको छु : पौडेल

प्रतीक्षा काफ्ले

कास्की — नेपाली कांग्रेसका वरिष्ठ नेता रामचन्द्र पौडेलले सर्वोच्च अदालतमा देखिएको विवादबारे आफूले पटक पटक पार्टी सभापति एवं प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाललाई भन्दै आएको बताएका छन् । प्रधानन्यायीधीश विवादको विषयलाई निकास दिनुपर्ने भन्दै पटक पटक देउवा र दाहाललाई भन्दै आएपनि हालसम्म समाधान नभएको उनको भनाइ थियो ।

कांग्रेसको गण्डकी प्रदेश अधिवेशन उद्घाटनलाई सम्बोधन गर्दै नेता पौडेलले भने, 'प्रधानन्यायधीशविरुद्ध भएका आन्दोलनको समस्या समाधान गर्ने जिम्मा तपाईंहरुको हो, छिट्टै विवाद टुंग्याउनुस् भन्दै आएको छु, ' उनले भने, 'चरम गुटबन्दीको शिकार न्यायलय पनि बनेको छ ।'

अदालतमा पैसावालाको मात्र सेटिङ हुने र पैसा हुनेले मात्र न्याय पाउने अवस्था सिर्जना भएको उनले बताएका थिए । सरकारमा संलग्न सबै दलसँग समाधानको विकल्प खोज्न अनुरोध गर्दै आएको उनले बताए ।

उनले नेपाली कांग्रेस पछिल्लो समय विचार र सिद्धान्त विपरीत चल्दै आएको पनि आरोप लगाए । २००७ सालदेखि कांग्रेसको आफ्नै इतिहास रहेको बताउँदै नेता पौडेलले सिद्धान्त र आर्दश अनुसार कांग्रेसमा नेतृत्व लिन नसकेको बताएका थिए ।

प्रकाशित : मंसिर १६, २०७८ १७:००
पूरा पढ्नुहोस्
प्रतिक्रिया
पठाउनुहोस्
×