बैतडीमा जन्ती बोकेको जिप दुर्घटना : ५ जनाको मृत्यु, २ घाइते

मंसिर ५, २०७८तृप्ति शाही

बैतडी — बैतडीमा जिप दुर्घटना हुँदा ५ जनाको मृत्यु भएको छ भने २ जना घाइते छन् । आइतबार राति ८ बजेतिर दशरथचन्द राजमार्गको गोठलापानी-झुलाघाट सकड खण्डको कलुवाडमोडमा जिप दुर्घटना भएको हो ।

दशरथचन्द नगरपालिका-२ को थलालगाउँबाट जन्ती बोकेर दशरथचन्द नगरपालिका-६ सिमायलतर्फ जाँदै गरेको मे १ ज ३१० नम्बरको जिप दुर्घटनामा परेको जिल्ला प्रहरी प्रवक्ता प्रहरी निरीक्षक दर्शन खड्काले बताए ।

घाइतेहरूको जिल्ला अस्पतालमा उपचार भइरहेको उनले बताए । प्रहरीका अनुसार घटनास्थलमा उद्वारका लागि प्रहरी र स्थानीयहरू जुटेका छन् ।

प्रकाशित : मंसिर ५, २०७८ २१:४६

प्रतिक्रिया