धनगढी–डडेलधुरा राजमार्गको पहिरो पन्छाइयो

सुदूरपश्चिम ट्राफिक कार्यालय अत्तरियाका प्रमुख एसपी बामदेव गौतमका अनुसार भासु सडकखण्डमा पहिरो खसेपछि सडक अवरुद्ध हुँदा आइतबार रातिदेखि नै सुदूरपश्चिम प्रदेशका ७ वटै पहाडी जिल्लाको यातायात सेवा प्रभावित हुन पुगेको थियो । ‘पहिरो हटाएपछि सोमबार दिउ‘सोबाट यातायात सेवा सञ्चालन भएको हो,’ एसपी गौतमले भने ।

एसपी गौतमका अनुसार पहिरो खसेर डोटी–अछाम राजमार्गको साँफेबगर चौखुट्टे सडकखण्ड पनि अवरुद्ध रहेको छ । पहिरो हटाएर यातायात सञ्चालन गर्ने काम भइरहेको उनले बताए । कतिपय ग्रामीण सडक पनि वर्षाका कारण पहिसो खसेर अवरुद्ध भएको हुन सक्ने एसपी गौतमले जानकारी दिए ।

बझाङ जोड्ने जयपृथ्वी राजमार्गको खोडपे सडकखण्ड पहिरोले केही समय अवरुद्ध भएकोमा पहिरो पन्छाएर यातायात सञ्चालन भइसकेको उनले जानकारी दिए ।