नेकपा (एस) सुदूरपश्चिम संसदीय दलको नेतामा सोडारी
धनगढी — नेकपा (एकीकृत समाजवादी) को सुदूरपश्चिम प्रदेश सभा संसदीय दलको नेतामा भौतिक पूर्वाधार विकास मन्त्री समेत रहेका दीर्घबहादुर सोडारी चयन भएका छन् ।
मंगलबार बसेको उक्त दलको बैठकले सोडारीलाई सर्वसम्मत रुपमा संसदीय दलको नेता चयन गरेको आन्तरिक मामिला तथा कानुनमन्त्री पूर्णा जोशीले बताइन् ।
५२ सदस्य रहेको सुदूरपश्चिम प्रदेशसभामा नेकपा (एकीकृत समाजवादी) सबैभन्दा ठूलो दल हो । एमाले विभाजनपछि गठन भएको उक्त दलमा १४ जना सांसद छन् । हाल नेकपा माओवादी केन्द्र नेतृत्वमा नेकपा (एकीकृत समाजवादी) सत्तामा छ ।
प्रकाशित : भाद्र २९, २०७८ १८:५६प्रतिक्रिया
