जयपृथ्वीलाई राष्ट्रिय विभूति घोषणा गर्न माग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
बझाङ — जयपृथ्वीबहादुर सिंहको १ सय ४५ औं जन्मजयन्ती सोमबार विभिन्न कार्यक्रम गरी मनाइएको छ । विभिन्न पालिका, शैक्षिक संस्था, नागरिक समाजलगायतले आयोजना गरेका कार्यक्रममा जयपृथ्वीलाई राष्ट्रिय विभूति घोषणा गरिनुपर्ने माग उठेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![जयपृथ्वीलाई राष्ट्रिय विभूति घोषणा गर्न माग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jayaprithvi12308358ka-2482021062650-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
नेपाली भाषा, साहित्य, शिक्षा, पत्रकारिता, न्यायिक तथा प्रशासनिक सुधारका क्षेत्रमा योगदान पुर्याएका जयपृथ्वीलाई राज्यले चिन्न नसकेको विभिन्न व्यक्तिको गुनासो छ । ‘जयपृथ्वीले त्यो बेला नेपाललाई देखाएको विकास र सुशासनको बाटो अझै पनि देशले समात्न सकेको छैन,’ पत्रकार महासंघको कार्यक्रममा जयपृथ्वी महाकाव्यका लेखकसमेत रहेका बझाङी इतिहासका अध्येता विष्णुभक्त शास्त्रीले भने, ‘न त आजभन्दा डेढ सय वर्ष पहिला जन्मिएर विश्वभर नेपालको परिचय फैलाउन उहाँले गरेको योगदानको सम्मान नै देशले गर्न सकेको छ ।’
जयपृथ्वीको व्यक्तित्वलाई बझाङ र गोरखापत्रको परिचयमा सीमित राख्नु जयपृथ्वीजस्ता युगपुरुषको अवमूल्यन हुने सुदूरपश्चिम विश्वविद्यालयका उपकुलपति अम्मराज जोशीको भनाइ छ ।
‘नेपाल भन्ने देश विश्व मानचित्रमा छ भन्ने पनि धेरैलाई थाहा नभएको त्यो बेला न्युयोर्क टाइम्स, द हिन्दु पत्रिकाले जयपृथ्वीलाई ‘एसियाका ज्योति’, ‘दोस्रो गौतम बुद्ध’ जस्ता उपमा दिएर हेडलाइन बनाएका थिए । तिनै व्यक्ति आफ्नै जिल्लामा पनि गुमनामजस्तै छन्,’ उनले भने । जयपृथ्वी क्याम्पसका प्राध्यापक लालबहादुर बोहराले जयपृथ्वीको मानवतावादी दर्शन अध्ययन गर्न विश्वविद्यालयमा वातावरण बनाउनुपर्ने बताए ।
![](https://assets-cdn.ekantipur.com/uploads/source/ads/900-x-100-0172024023126.gif)