गाउँघरमा चिकित्सक

चालु आर्थिक वर्षको चैतमा सुरु हुने गाउँघरमा चिकित्सक कार्यक्रम कोरोना कहरका कारण स्थगित गरी अहिले सञ्चालनमा ल्याएको जिल्ला अस्पतालका डा. आदर्श लिम्बूले बताए । जिल्ला अस्पताल पुग्न सहज नभएका ग्रामीण क्षेत्रका नागरिकलाई गाउँघरमै पुगेर स्वास्थ्य सेवा प्रदान गर्ने उद्देश्यले शिविरको आयोजना गरिएको उनले बताए ।

पहिलोपटक जिल्लाका दुर्गम क्षेत्रको अपि हिमाल गाउँपालिकामा यो कार्यक्रम भएको जिल्ला अस्पताल दार्चुलाका सूचना अधिकारी डम्मरदत्त भट्टले बताए । उनका अनुसार प्रत्येक स्थानीय तहमा दुईदिने शिविर सञ्चालन गरेर सेवा दिने कार्यक्रम हो । अपि हिमालले गाउँघर चिकित्सक कार्यक्रमबाट ४६ जनाले विभिन्न किसिमका स्वास्थ्य सेवा लिएका छन् ।