सेती प्रादेशिक अस्पतालमा थप ३ जना कोरोना संक्रमितको मृत्यु
धनगढी — सेती प्रादेशिक अस्पतालमा उपचार गराइरहेका मध्ये पछिल्लो २४ घण्टामा थप ३ जना कोरोना संक्रमितको मृत्यु भएको छ ।
अस्पतालका सूचना अधिकारी दिलीप श्रेष्ठका अनुसार बिहीबार दिउँसोसम्म मृत्यु हुनेमा कैलालीका ३ पुरुष रहेका छन् ।
मृत्यु हुनेहरुमा कैलालीको गोदावरी–३ का ३१ वर्षीय पुरुष, कैलाली धनगढी–२ का ४९ वर्षीय पुरुष र कैलालीकै धनगढी– ३ का ५२ वर्षीय पुरुष रहेको श्रेष्ठले बताए ।
सूचना अधिकारी श्रेष्ठका अनुसार अस्पतालमा बिहीबार दिउँसोसम्म उपचाररत ६७ जना संक्रमितमध्ये ५ जनाको भेन्टिलेटरमा, आईसियूमा २० जना र अक्सिजनको सपोर्टमा ४५ जना तथा अन्य २ जना रहेका छन् ।
पछिल्लो २४ घण्टामा अस्पतालको पीसीआर प्रयोगशालामा ७ सय ७६ जनाको परीक्षणमा २ सय ७० जनामा कोरोना पुष्टि भएको छ ।
प्रकाशित : वैशाख ३०, २०७८ १५:५२प्रतिक्रिया