२८.१२°C काठमाडौं
काठमाडौंमा वायुको गुणस्तर: १५२

बैतडीको मेलौलीका विद्यालय बन्द

तृप्ति शाही

बैतडी — बैतडीको तल्लोस्वराड क्षेत्रमा रहेको मेलौली नगरपालिकाका विद्यालयहरु बन्द गरिएका छन् । शनिबार वडा नम्बर ७ तोल्या गाउँमा एक जनालाई कोरोना देखिएपछि वैशाख १४ गतेसम्मका लागि विद्यालय बन्द गरिएका हुन् ।

आइतबार बसेको नगरपालिकाको कोरोना व्यवस्थापन समितिको बैठकले विद्यालय बन्द सँगै तोल्या क्षेत्र अर्काे सूचना जारी नभएसम्मको लागि सिल गरिएको पालिकाका शिक्षा शाखा प्रमुख हरिशप्रकाश भट्टले बताए । कोरोना संक्रमणको अवस्था बढ्न सक्ने भएकाले विद्यालयहरु बन्द गरिएको उनले बताए । उनले भने, ‘कोरोना देखिएको घरमा भारतबाट पनि आएका छन् । घरमा एक जनाको मृत्यु पनि भयो । मृतकको दाहासंस्कार पछि एक जनालाई कोरोना लक्षण देखिएको थियो । जाँच गर्दा कोरोना देखियो । विद्यालय क्षेत्र जोखिममा परेको महसुस भएकोले विद्यालय बन्द गर्ने निर्णय गरेका हौं । ’

पालिकामा ४६ सामुदायिक र २ संस्थागत गरी ४८ विद्यालय रहेका उनले बताए । बैतडीमा आइतबारसम्म २५ जना कोरोनाका सक्रिय केस रहेको स्वासथ्य कार्यालयले जनाएको छ ।

प्रकाशित : वैशाख ५, २०७८ १७:४५
प्रतिक्रिया
पठाउनुहोस्
जनताको राय

नौ वर्षमा १४ अर्ब खर्च भइसक्दा पनि चुरेमा विनाश बढीरहेको छ र मधेसमा खानेपानीको स्रोत समेत सुक्न थालेका छन् । यसबारे तपाईंको टिप्पणी के छ ?

x