जेष्ठ नागरिकलाई नि:शुल्क आयुर्वेद सेवा

उनका अनुसार चन्दननाथ नगरपालिकाको सहयोगमा आयुर्वेद स्वास्थ्य केन्द्रले सेवा दिन थालेको हो । आयुर्वेद स्वास्थ्य सेवा उपलब्ध गराउनको लागि चन्दननाथ नगरपालिकाले २० लाख रुपैयाॅ बिनियोजन गरेको थियो । जसले आयुवेर्द फार्मेसी कक्ष सञ्चालन, आयुर्वेद औषधी खरिद, स्नेह कक्ष, आराम कक्ष तथा आयूर्वेद वाफ कक्षको व्यवस्थापन गरिएको हो ।

नगरपालिकाले दिएको २० लाख रुपैयाॅ मध्येबाट ९ लाख ५० हजार रुपैयाँले फार्मेसी सञ्चालन गरिएको हो । सो सेवाका लागि २ जना कर्मचारी समेत व्यवस्थापन गरिएको छ । चन्दननाथ-१० बोहोरागाउँमा भएको आयूर्वेद अस्पतालमा जान टाढा र कठिन भएकोले ज्येष्ठ नागरिकको कार्यालयमा सेवा दिन थालिएको भन्दै ज्येष्ठ नागरिकहरु निकै खुसी छन् ।

जिल्ला ज्येष्ठ नागरिक संघ जुम्लाका कार्यवाहक अध्यक्ष तुलाराम न्यौपानेले पछिल्लो समय चन्दननाथ नगरपालिका, आयुर्वेद स्वास्थ्य केन्द्रले जेष्ठ नागरिकमैत्री स्वास्थ्य सेवा सञ्चालन गरिएकोमा खुसी व्यक्त गरे । उनले भने, 'भगवानलाई पुजा गर्न सधैँ मन्दिर जानुपर्दैन । हामी जस्ता जेष्ठ नागरिकलाई सेवा दिए प्रयाप्त हुन्छ ।’

चन्दननाथ नगरपालिकाका नगरप्रमुख राजुसिंह कठायतले सवै भोलिका ज्येष्ठ नागरिक भएकाले ज्येष्ठ नागरिकको सेवा सवैभन्दा महत्वपूर्ण रहेको बताए । जिल्लाभरिका ज्येष्ठ नागरिकहरु आवद्ध भएको संस्थामा अझ राम्रा राम्रा काम गर्नका लागि नगरपालिका प्रयासरत भएको बताए ।