कर्णाली प्रदेश प्रहरीद्वारा 'क्यूआर कोड'बाट सेवा सुरू
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
वीरेन्द्रनगर — कर्णाली प्रदेश प्रहरी कार्यालय सुर्खेतले 'क्यूआर कोड'बाट सेवा सुरू गरेको छ । प्रहरी सेवासम्बन्धी गुनासो र सुझाव संकलनको लागि प्रहरीले उक्त सेवाको सुरुआत गरेको हो । साथै नागरिकले क्यूआर कोडबाट आफ्नो नजिकै भएको घटनाबारे पनि जानकारी गराउन सक्नेछन् ।
![](https://assets-cdn.ekantipur.com/uploads/source/ads/900x100-1172024092759.gif)
![कर्णाली प्रदेश प्रहरीद्वारा 'क्यूआर कोड'बाट सेवा सुरू](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/miscellaneous/karnali-28112023120256-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
नेपाल प्रहरी कार्ययोजना र सुरक्षित कर्णाली विशेष अभियान-२०८० अन्तर्गत यो कार्यको सुरू गरिएको कर्णाली प्रदेश प्रहरी कार्यालयका प्रमुख डीआईजी भिमप्रसाद ढकालले बताए ।
यो सेवाले गुनासो व्यवस्थापनलाई छिटो छरितो र व्यवस्थित बनाउने, नागरिकका गुनासोहरूको अभिलेख व्यवस्थापनको कार्य गर्नेछ । साथै प्रहरीसँग सम्बन्धित गुनासो र सुझावहरू संकलन प्रक्रियालाई प्रविधिमैत्री बनाउने, सेवाग्राहीको समय र खर्चको बचत तथा गोपनियता कायम गर्ने कार्य पनि यो सेवाबाट गरिनेछ । सूचना दिने मान्छेले नाम उल्लेख नगरे पनि हुने डीआईजी ढकालले बताए । उनका अनुसार क्यूरआर कोडमार्फत दिएको सूचना सिधैं कार्यालय प्रमुखसमक्ष पुग्नेछ ।
नागरिकसँग नजिक भएर छिटो छरितो सेवा दिने उद्देश्यले यो कार्यको सुरूआत गरिएको डीआईजी ढकालले बताए । उनका अनुसार नागरिकको सहजताको लागि सार्वजनिक स्थल सँगै भिडभाड हुने ठाउँमा क्यूआर कोड राखिनेछ ।
प्रदेश प्रहरी कार्यालयमा सुरू भएको यो कार्य कर्णालीका १० वटै जिल्लामा लागू गर्ने जनाइएको छ । क्यूआर कोडमार्फत आएका जरूरी गुनासोलाई ३ दिनभित्र र साधारण गुनासोको सम्बोधन ५ दिनभित्र गरिने प्रदेश प्रहरी कार्यालयले जनाएको छ । साथै गुनासो गर्नेलाई कारबाहीको विवरण पनि जानकारी गराइने छ ।
प्रदेश प्रहरीले यसअघि यात्रुमैत्री अभियान, कार्यलयमा नागरिक सहजकर्ता, घरघरमा प्रहरीको फोन नम्बर भएको स्टिकर टास अभियान, पीडितमैत्री अभियान, लागूऔषधविरूद्व लालटिन अभियानलाई कार्यान्वयनमा ल्याइसकेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)