सुर्खेतमा जुवा खेलिरहेको अवस्थामा २७ जना पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
वीरेन्द्रनगर — जुवा खेलिरहेको अवस्थामा सुर्खेत प्रहरीले २७ जनालाई नियन्त्रणमा लिएको छ । सुर्खेतको चौकुने गाउँपालिकाबाट २ लाख २८ हजार ७ सय नगदसहित २७ जनालाई पक्राउ गरिएको जिल्ला प्रहरी कार्यालयले जनाएको छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
विशेष सूचनाको आधारमा जिल्ला प्रहरी कार्यालय सुर्खेतको प्रहरी टोलीले चौकुने गाउँपालिका - ६ मा जुवा खेलिरहेका उनीहरूलाई आइतबार राती १ बजेतिर नियन्त्रणमा लिएको जिल्ला प्रहरी कार्यालय सुर्खेतका प्रवक्ता डिएसपी लक्ष्मण शाहीले बताए ।
पक्राउ परेका सबै जनालाई वीरेन्द्रनगर ल्याईएको छ । पक्राउ परेकाहरुको परिचय भने प्रहरीले सार्वजनिक गरेको छैन ।
पक्राउ पर्नेमा प्रहरी, स्वास्थ्यकर्मी र राजनीतिक दलका कार्यकर्ता रहेका छन् ।
![](https://assets-cdn.ekantipur.com/uploads/source/ads/900-x-100-0172024023126.gif)
प्रतिक्रिया