बाघको आक्रमणबाट सल्यानमा चार जना घाइते

स्थानीय ५२ वर्षीय पूर्णराज विकको कुखुराखोर हेर्न जाने क्रममा उनीहरूलाई बाघले आक्रमण गरेको जिल्ला प्रहरी कार्यालय सल्यानका सूचना अधिकारी तथा प्रहरी प्रवक्ता प्रहरी निरीक्षक गोपाल श्रेष्ठले बताए ।

घाइते सबैको स्थानीय मेडिकलमा सामान्य उपचारपछि थप उपचारको लागि जिल्ला अस्पताल सल्यानमा ल्याइएको उनले बताए । जिल्ला अस्पताल सल्यानमा सामान्य उपचारपछि उनीहरूलाई प्रदेशिक अस्पताल दाङ लगिएको छ ।

बाघ अहिले सोही स्थानको धानबारीनजिकै रहेको झाडीमा लुकेर बसेको र व्यवस्थापनका लागि इलाका वन कार्यालय लुहामका टोली पुगेको प्रहरीको भनाइ छ ।

बाघ नियन्त्रणका लागि बाँके राष्ट्रिय निकुञ्जको टोलीलाई बोलाइएको छ । सल्यानमा केही वर्षयता छिटपुट रूपमा बाघ देखिन थालेको छ । सल्यानको कालिमाटी गाउँपालिकाको केही भाग बाँके राष्ट्रिय निकुञ्जमा समेत पर्छ ।