प्रदेश योजना आयोगको सदस्यमा शाह नियुक्त

सल्यानका शाह नेपाल सरकारको पूर्वउपसचिवसमेत हुन् । २८ वर्ष शिक्षा सेवामा रहेर काम गरेका उनले १० वर्ष शिक्षण पेसामा आबद्ध थिए । उनले यसअघि चार जिल्लाको जिल्ला शिक्षा अधिकारी, राष्ट्रिय परीक्षा बोर्ड कर्णालीको निर्देशक र सुर्खेत मेडिकल कलेज पूर्वाधार विकास निर्माण आयोजनाका प्रमुखसमेत रहेर काम गरिसकेका छन् ।

शाहले काठमाडौं विश्वविद्यालयबाट शैक्षिक नेतृत्व विषयमा एमफिल गरेका छन् । मुख्यमन्त्री तथा मन्त्रिपरिषद् कार्यालयले कर्णाली प्रदेश योजना आयोग (गठन तथा कार्य सञ्चालन) आदेश, २०७५ को दफा ३ को उपदफा (२) को खण्ड (ग) बमोजिम आयोगको सदस्यमा नियुक्त गरिएको जनाएको छ ।