लोगो र गान बनाउँदै सर्केगाड
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
हुम्ला — सर्केगाड गाउँपालिकाले आफ्नै पालिका गान र लोगो बनाउने भएको छ । पर्यटन प्रवर्द्धनका लागि पालिकाको आफ्नो छुट्टै पहिचान झल्किने गान र लोगो बनाउन लागेको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![लोगो र गान बनाउँदै सर्केगाड](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/sarkegad-2142023040920-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
आफ्नै रीतिरिवाज, सांस्कृतिक, ऐतिहासिक, प्राकृतिक तथा विशिष्ट भौगोलिक पहिचान झल्किने गरी पालिका गान र लोगो बनाउन लागिएको गाउँपालिका अध्यक्ष ठानबहादुर रोकायाले बताए । उनका अनुसार पालिकाको प्राकृतिक, सांस्कृतिक र ऐतिहासिक महत्त्व झल्काउने गरी लोगो र ४० देखि ६० शब्दमा पालिका गान बनाउनुपर्नेछ ।
जसका लागि खुला प्रतिस्पर्धात्मक विधिबाट पालिका गीत र लोगो निर्माणका लागि इच्छुक व्यक्ति वा संस्थासँग १५ दिने सूचना जारी गरिएको छ । गाउँपालिकाका प्रमुख प्रशासकीय अधिकृत नरबहादुर रावतले लोगो र पालिका गान निर्माणका लागि दरखास्त आह्वान गरिएको बताए ।
पालिकाले आह्वान गरेको सूचनाअनुसार छनोट भएको उत्कृष्ट लोगो डिजाइनकर्तालाई नगद ३० हजारसहित प्रमाणपत्र र उत्कृष्ट पालिका गान रचनाकारलाई नगद ४० हजारसहित कदरपत्र प्रदान गरिनेछ ।
![](https://assets-cdn.ekantipur.com/uploads/source/ads/900-x-100-0172024023126.gif)