मौसम खराब हुँदा हुम्लामा हवाई सेवा अवरुद्ध
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
हुम्ला — हिमाली जिल्ला हुम्लामा खराब मौसमका कारण हवाई सेवा अवरुद्ध भएको छ । शुक्रबार बिहानदेखि मौसम खराब हुँदा हुम्लाको हवाई सेवा अवरुद्ध भएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![मौसम खराब हुँदा हुम्लामा हवाई सेवा अवरुद्ध](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/humla-2112022112209-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
नेपालगन्ज र सुर्खेतबाट नियमित उडान भर्ने निजी जहाजले मौसम खराबीका कारण आफ्नो सेवा अवरुद्ध भएको जनाएका छन् ।
हुम्लालाई अन्तरजिल्ला जोड्ने एक मात्र माध्यम हवाई सेवा भए पनि जिल्लाको मौसम बिग्रिँदा नेपालगन्ज र सुर्खेतदेखि सिमकोटका लागि उडेका जहाज सिमकोट विमानस्थल वरपर बाक्लो कुहिरो लागेपछि गन्तब्यमा नपुगी बीचबाटै नेपालगन्ज फर्किएको सिमकोट विमानस्थलका प्रमुख मोहन गिरीले बताए ।
जिल्लाको मौसममा फेरबदल भएपछि शुक्रबार सिमकोट विमानस्थलमा नेपालगन्ज र सुर्खेतबाट यात्रुसहित कार्गो सामान आउन सकेको छैन । उडान नहुँदा जिल्ला बाहिर जाने यात्रु पनि सिमकोटमै रोकिएका छन् ।
यसैगरी खाद्य व्यवस्था तथा व्यापार कम्पनी लिमिटेड कम्पनीको ढुवानी अनुदानको खाद्यान्न, दैनिक उपभोग्य सामान, तरकारी र कार्गोको सामान पनि ढुवानी हुन सकेको छैन । रातिबाट एक्कासी मौसम परिवर्तन हुँदा दिनहुँ उडान भर्ने निजी विमान कम्पनीका जहाज फर्किनुपरेको विमानस्थल प्रमुख गिरीले बताए ।
हालसम्म राष्ट्रिय सडक सञ्जालसँग जिल्ला सदरमुकाम नजोडिँदा ढुवानी पनि जाहजबाटै गराउनु परेको छ । जसकारण मौसम बिग्रिँदा यात्रुलाई आवतजावत गर्न पनि कठिन हुने गरेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)