२५.१२°C काठमाडौं
काठमाडौंमा वायुको गुणस्तर: १२०

प्रदेश सरकारको समर्थनबारे केन्द्रले दबाब दिँदैन : उपाध्यक्ष पौडेल

तृप्ति शाही

वीरेन्द्रनगर — नेकपा एमालेका उपाध्यक्ष विष्णु पौडेलले कर्णाली प्रदेश सरकारलाई दिएको समर्थन फिर्ता गर्ने वा नगर्ने भन्ने विषयमा पार्टी केन्द्रले कुनै दबाब नदिने बताएका छन् ।

प्रदेश सरकारको समर्थनबारे केन्द्रले दबाब दिँदैन : उपाध्यक्ष पौडेल

आइतबार सुर्खेत विमास्थलमा आयोजना गरिएको पत्रकार सम्मेलनमा पौडेलले सरकारमा रहने वा बाहिरिने भन्ने विषयमा प्रदेशकै अधिकार रहेको बताए ।

प्रदेशमा रहेका एमालेका मन्त्रीहरुलाई छाड्न कुनै निर्देशन एमालेले नदिने उनको भनाइ थियो । यो नेतृत्व गरेकैहरुको तजविजमा भर पर्ने उनले बताएका थिए । केन्द्रमा समीकरण बदलिँदैमा प्रदेशमा पनि बदलिनुपर्छ भन्ने मनशायमा पार्टी नरहेको उनको भनाइ थियो ।

पूर्वअर्थमन्त्री समेत रहेका पौडेलले देशमा विद्यमान समस्याबारे अहिलेको सत्ता गठबन्धनलाई जानकारी नै नभएको बताएका थिए ।

प्रकाशित : चैत्र १२, २०७९ १७:४१
प्रतिक्रिया
पठाउनुहोस्
जनताको राय

सहकारी ठग्नेलाई कारबाहीको दबाब दिन प्रमुख विपक्षी दल कांग्रेसले गरेको सडक आन्दोलन घोषणालाई कसरी लिनुभएको छ ?