२५.१२°C काठमाडौं
काठमाडौंमा वायुको गुणस्तर: २४३

आगलागीबाट घाइते भएका युवकको मृत्यु

विप्लव महर्जन

सल्यान — सल्यानको कुमाख गाउँपालिका ४ भण्डारखोलास्थित शंकर रानाको एकतले घरमा रहेको किराना पसलमा भएको आगलागीबाट घाइते भएका पाँच जनामध्ये एक जनाको मृत्यु भएको छ ।

भारतको लखनौमा उपचार हुन नसकेपछि फर्काइएका २६ वर्षीय यज्ञ रानाको भेरी अस्पताल नेपालगन्जमा उपचारका क्रममा आइतबार मृत्यु भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक सन्तोष खनालले बताए ।

खनालका अनुसार केही दिनअघि शंकर रानाको घरमा भएको आगलागीबाट घरधनी २४ वर्षीय शंकर राना, २६ वर्षीय यज्ञ राना, २१ वर्षीय जीवन राना, २० वर्षीय सन्जीव शाह र १८ वर्षीय क्षेत्रमनी राना सख्त घाइते भएका थिए ।

घाइते सबैलाई मिसन अस्पताल चौरजहारीमा सामान्य उपचारपछि थप उपचारका लागि मेडिकल कलेज कोहलपुर लगिएको थियो ।

मेडिकल कलेज कोहलपुरले क्षेत्रमनी राना बाहेक सबैलाई भारतको लखनौ रेफर गरेकोमा मृत्यु भएका यज्ञ राना बाहेक अन्यको भने उपचार भइरहेको बताइएको छ ।

प्रकाशित : चैत्र १२, २०७९ १५:२१
प्रतिक्रिया
पठाउनुहोस्
जनताको राय

भारतका २ ब्रान्डका गुणस्तरहीन मसला आयतमा प्रतिबन्ध लागेको छ । अन्य खाद्य सामग्रीबारे पनि अब सरकारले मुख्य रुपमा के गर्नुपर्छ ?