२७.१२°C काठमाडौं
काठमाडौंमा वायुको गुणस्तर: १९६

हावाहुरी चल्दा हुम्लामा दुई दिनदेखि हवाई सेवा अवरुद्ध

जनकबहादुर शाही

हुम्ला — हिमाली जिल्ला हुम्लामा हवाई सेवा दुई दिनदेखि अवरुद्ध भएको छ । बिहीबार बिहानदेखि चलेको हावाहुरी शुक्रबार पनि चलेकाले हवाई सेवा अवरुद्ध भएको हो । नेपालगन्ज र सुर्खेतबाट नियमित उडान भर्ने निजी जहाजले हावाहुरीका कारण आफ्नो सेवा अवरुद्ध भएको जनाएका छन् । 

हावाहुरी चल्दा हुम्लामा दुई दिनदेखि हवाई सेवा अवरुद्ध

हुम्लालाई अन्तरजिल्ला जोड्ने हवाई सेवा भए पनि दुई दिनदेखि बन्द हुँदा नेपालगन्ज र सुर्खेतदेखि सिमकोट आउने यात्रुसहित कार्गो सामान आउन सकेको छैन । उडान नहुँदा जिल्ला बाहिर जाने यात्रु सिमकोटमै रोकिएका छन् ।

यसैगरी खाद्य व्यवस्था तथा व्यापार कम्पनी लिमिटेड कम्पनीको ढुवानी अनुदानको खाद्यान्न, दैनिक उपभोग्य सामान, तरकारी र कार्गोको सामान पनि ढुवानी हुन सकेको छैन । घाम लागेपछि दिनहुँ उडान भर्ने निजी विमान कम्पनीका जहाज हावाहुरी चलेर अवरुद्ध हुन पुगेको सिमकोट विमानस्थलका प्रमुख मोहन गिरीले बताए । ४५ मिनेट समय लगाएर दैनिक नेपालगन्जबाट हुम्लाका लागि तारा, समिट एयरका जहाजले उडान भर्दै आएका छन् ।

अहिलेसम्म राष्ट्रिय सडक संजालसँग नजोडिएको एकमात्र जिल्ला हुम्ला हो ।

प्रकाशित : पुस २२, २०७९ १७:०३
प्रतिक्रिया
पठाउनुहोस्
जनताको राय

आन्दोलनका क्रममा सार्वजनिक सम्पत्तिमा क्षति पुर्‍याए सम्बन्धित पक्षबाट क्षतिपूर्ति भराउने गृहमन्त्रीको निर्णय कस्तो लाग्यो ?