डोल्पाको सुलीगार्ड खोलामा खसेर युवती बेपत्ता
रुकुम पश्चिम — डोल्पाको छेप्कास्थित २६ वर्षीया युवती सुलीगार्ड खोलामा बेपत्ता भएकी छन् । शे फोक्सुण्डो ताल घुम्नका लागि पैदल हिँडेर गएकी सलिना बुढा खोलामा सखेर बेपत्ता भएको प्रहरीले जनाएको छ ।
ठूलीभेरी नगरपालिका–३, की बुढा शे फोक्सुण्डो गाउँपालिका–९ मा पर्ने छेप्काबाट बुधबार बिहान खोलामा खसेको जिल्ला प्रहरी प्रमुख प्रहरी नायव उपरीक्षक राजु पाण्डेले बताए ।
घटनापछि नेपाल प्रहरी, नेपाली सेना र स्थानीयले उनको खोजी गरिरहेका छन् । ताल घुम्न भन्दै मंगलबार नै साथीहरुसँग घरबाट निस्किएकी बुढा सडकबाटै खोलामा खसेकी थिइन्।
प्रकाशित : कार्तिक १०, २०७८ १७:०४प्रतिक्रिया
