जडिबुटी संकलनले मुगुमा जनगणना प्रभावित
मुगु — मुगूम कार्मारोङ गाउँपालिकाकास्थित माथिल्ल्लो बस्तीका स्थानीय जडिबुटी टिप्न वनपाखातिर गएपछि जनगणना प्रभावित भएको छ ।
चितै, मुगु, डोल्फू, कार्ति, किम्री, महलगायत बस्तीका अधिकांस स्थानीय घरको ढोका नै बन्द गरेर कटुकी, भोल्ते, चिराइतो, वन लसुन कोर्न हिमाली भेगतिर उक्लिएपछि घरदैलोमा पुगेका गणकलाई घरधुरी संकलन गर्न गाह्रो भएको हो ।
गाउँपालिकाको माथिल्लो बस्तीका स्थानीय जडिबुटी संकलन गर्न वनतिर जाँदा जनगणना कार्य प्रभावित भएको जिल्ला जनगणना अधिकारी कृष्णप्रसाद चौलागाईंले बताए । विशेष गरी मुगु गाउँका कोही स्थानीय घरमा नहुँदा गणकलाई विवरण संकलन गर्न कठिन भएको चौलागाईंले बताए ।
भदौ ३० गतेदेखि जिल्लामा पहिलो चरणको जनगणना कार्य सुरु गरिएको छ । उक्त जनगणनाको निम्ति जिल्लाको चारवटा स्थानीय तहमा ५ महिला र १५ पुरुष गरी २० जना जनगणक परिचालन गरिएको जिल्ला जनगणनाको कार्यालय जनाएको छ ।
प्रकाशित : आश्विन ५, २०७८ १६:०४
