चौरजहारीमा खाद्य डिपो

चालु आर्थिक वर्षबाट भने चौरजहारी नगरपालिकाबाट पनि चामल बिक्री गर्ने निर्णय भएको निमित्त प्रमुख चन्द्रबहादुर खड्काले बताए । उनका अनुसार स्थानीय मागका आधारमा चौरजहारीबाट चामल बिक्रीको तयारी गरिएको हो । चालु आर्थिक वर्षमा चौरजहारीमा ७ सय ५० क्विन्टल चामलको कोटा निर्धारण भएको उनले जानकारी दिए ।

गत आर्थिक वर्ष २०७७/०७८ मा खाद्य व्यवस्था तथा व्यापार कम्पनी लिमिटेडले ५ हजार क्विन्टल चामल बिक्री गरेको छ । सल्लेमा १ हजार क्विन्टलको कोटा तोकेकामा १ हजार ८ र स्यालाखदीमा १ हजार क्विन्टलको कोटा रहेकामा १ हजार ५ सय क्विन्टल चामल बिक्री भएको हो ।

त्यस्तै, शोभा र तकसेरा बिक्री केन्द्रबाट १ हजार क्विन्टलको तोकिएकामा १ हजार ८ सय क्विन्टल चामल बिक्री भएको छ । जिल्लाका ६ वटा सहकारीले पनि खाद्यको चामल गाउँमा लिएर सस्तोमा बेच्ने गरेको निमित्त प्रमुख खड्काले बताए । उनका अनुसार सहकारीले ८ सय क्विन्टल चामल बिक्री गरेका थिए ।

कम्पनीले दसैं, तिहार, छठ र लकडाउनको समयमा पनि सुपथ मूल्यमा चामल बिक्री गरेको थियो । दसैंमा २ सय क्विन्टल र लकडाउनको समयमा २ सय क्विन्टल चामल सुपथ मूल्यमा बिक्री भएको कम्पनीले जनाएको छ ।