मुगुमा फेरि थपियो निषेधाज्ञा- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

मुगुमा फेरि थपियो निषेधाज्ञा

राजबहादुर शाही

मुगु — जिल्ला कोरोना संक्रमितको संख्या दिनहुँ बढेपछि फेरि १० दिनका लागि निषेधाज्ञा थपिएको छ । जिल्ला कोभिट–१९ संकट व्यवस्थापन केन्द्र तथा जिल्ला सुरक्षा समिति मुगुले जेठ २२ देखि ३१ गते राति १२ बजेसम्मका लागि निषेधाज्ञा थप्ने निर्णय गरेको छ ।

जिल्लामा संक्रमित तीब्र रुपले बढिरहेको अवस्थामा १० दिनका लागि निषेधाज्ञा थप्ने निर्णय गरिएको प्रमुख जिल्ला अधिकारी चन्द्रबहादुर सिवाकोटीले बताए ।

संक्रमण रोग ऐन २०२० को दफा २ र स्थानीय प्रशासन ऐन २०२८ को उपदफा ३ ले दिएको अधिकार प्रयोग गरी निषेधाज्ञा थप गर्दै आएको प्रमुख जिल्ला अधिकारीले बताए । जिल्ला स्वास्थ्य सेवा कार्यालयले दिएको जानकारीअनुसार शनिबारसम्म जिल्लाभरी संक्रमितको संख्या ३ सय ६५ पुगेको छ भने १ सय ९९ जना सक्रिय संक्रमित रहेका छन् ।

अहिलेसम्म १ सय ६६ जना निको भएको २ जना संक्रमितको मृत्यु भएको जिल्ला स्वास्थ्य सेवा कार्यालयका कोभिड–१९ खोप फोकल पर्सन दिपबहादुर रावलले बताए ।

प्रकाशित : जेष्ठ २२, २०७८ १६:३९
प्रतिक्रिया
पठाउनुहोस्

१८ तस्बिरमा हेर्नुहोस् यसरी भइरहेको छ देशैभर प्राकृतिक दोहन

कान्तिपुर संवाददाता

काठमाडौँ — ‘प्राकृतिक प्रणालीको पुनःस्थापना’ नाराका साथ विश्व वातावरण दिवस शनिबार मनाइँदै छ । सरकारले जेठ १५ मा बजेट वक्तव्यमार्फत चुरे–भावर र तराई–मधेसमा प्रत्यक्ष असर पुग्ने गरी ढुंगा, गिट्टी र बालुवा निकासी खुला गरेको छ। यसको सर्वत्र विरोध भइरहेको छ । ढुंगा, गिट्टी र बालुवा निकासी खुला गरिएपछि आधा जनसंख्या ओगटेको तराई–मधेसलाई मरुभूमीकरणतिर धकेलिने भन्दै सरोकारवाला र विज्ञले निर्णय फिर्ताका लागि सरकारलाई दबाब दिइरहेका छन् । नदीजन्य पदार्थको निकासी फुकुवाले चुरे तहसनहस हुने चिन्ता बढेको छ । कान्तिपुरको फोटो विभागले देशभर भइरहेको दोहनको तस्बिर खिचेको छ । ललितपुरको लेले नल्लु क्षेत्रमा अवैधरुपमा सञ्चालित खानी तथा क्रसर उद्योगहरु । तस्बिरः केशव थापा

ड्रोनबाट लिइएको पोखराको रामघाट क्षेत्रको दृश्य । सेती नदीको किनारमा बालुको उत्खनन् र भण्डारी भइरहेको देख्‍न सकिन्छ । तस्बिरःदीपक केसी ।

बाढीको प्रवाहा नगरी नुवाकोटको त्रिशुली नदीबाट बालुवा निकाल्दै मजदुरहरु। तस्बिरः केशव थापा

पाल्पाको तिनाउ गाउँपालिकास्थित–३ श्रीडाँडास्थित सिद्धार्थ मिनिरल्स प्रालिको चुनढुंगा खानी उद्योग । पाल्पाका चुनढुंगा खानीले डाँडै पहिरो गएको जस्तो देखिन थालेका छन् । तस्बिर : माधव अर्याल

कन्चनपुरस्थित महाकाली नदीबाट बालुवा निकाल्दै कामदारहरु । तस्बिर : हेमन्त श्रेष्ठ

सिधुपाल्चोकको सुनकोसी नदीमा भइरहेको दोहन । तस्बिरः अंगद ढकाल । कान्तिपुर

सिधुपाल्चोकको सुनकोसी नदीमा अनाधिकृत रुपमा भइरहेको दोहन । तस्बिरः अंगद ढकाल । कान्तिपुर

सिधुपाल्चोकको सुनकोसी नदीमा भइरहेको दोहन । तस्बिरः अंगद ढकाल । कान्तिपुर

ललितपुरको गोदावरी नगरपालिका-६ टिकाभैरवस्थित नल्लु खोलामा अवैध ढंगले सञ्चालित क्रसर र ढुँगाखानी । तस्बिर : कान्तिपुर

टिकाभैरवस्थित नल्लु खोलामा अवैध ढंगले सञ्चालित क्रसर र ढुँगाखानी । नल्लु खोला सिरानसँगैको वनमा ढुंगाखानी उत्खनन कार्यले यहाँ भू-दृश्य नै परिवर्तन गरिदिएको छ । तस्बिर : सुरविन्द्रकुमार पुन

पाल्पाको तिनाउ गाउँपालिका–४, गोबरबन्दी (चुरेक्षेत्र) मा गह सम्याउन खनिएको झण्डै ७ मिटरको खाडल । गह सम्याउन बढीमा ढेड मिटरभन्दा बढी खाडल बनाउन पाइँदैन । तस्बिर : माधव अर्याल

काभ्रेको नमोबुद्धमा सञ्चालित क्रसरले खोतलेको पहाड । क्रसर उद्योगले मनपरी प्राकृतिक स्रोतको दोहन गर्दा पनि राजनीतिक पहुँचका कारण कारबाहीमा पर्ने गरेका छैनन्। तस्बिर : हेमन्त श्रेष्ठ

सिन्धुली खुर्कोट स्थित सुनकोसी र तामाकोसी नदीबाट बालुवा निकालिँदै । तस्बिर : हेमन्त श्रेष्ठ

तनहुँको शुक्लागण्डकी नगरपालिका–२ स्थित सेती नदी घाटमा बालुवा चाल्दै मज्दुरहरु । तस्बिर: सम्झना रसाइली

कपिलवस्तुको रामघाटस्थित बारगंगा नदीबाट सन् २०१८मा बालुवा उत्खनन् गरिदै। तस्बिरः प्रकाशचन्द्र तिम्लसेना

ललितपुरको गोदावारी नगरपलिका लेलेको नल्लु र टिकाभैरवमा अवैध रुपमा सञ्चालनमा रहेको ढुंगा खानी र क्रसर उद्योगहरु । संसदको प्राकृतिक स्रोत साधन समितिले ६ वर्षअघि बन्द गर्न निर्देशन दिएपनि स्थानीय प्रशासन र प्रहरीको मिलोमतोमा निर्वाधरुपमा सञ्चालनमा छन् । तस्बिरः केशव थापा

मेलम्चको इद्रावती नदीबाट उत्खनन् गरेको बालुवालाई टिपरमा खन्याउँदै । तस्बिरः किरण पाण्डे ।


प्रकाशित : जेष्ठ २२, २०७८ १६:२६
पूरा पढ्नुहोस्
प्रतिक्रिया
पठाउनुहोस्
×