मुगुमा वैशाख ३१ सम्म निषेधाज्ञा

निषेधाज्ञा जारी गरेपछि गमगढी बजार क्षेत्र सुनसान बनेको छ । होटल पसल बन्द भएका छन् भने स्थानीयको आउजाउ रोकिएको छ । सरकारी तथा गैर सरकारी संस्थाका सेवा प्रवाह पनि बन्द गरिएको छ ।

जिल्ला बाहिरबाट खाद्य आपूर्ति बाहेक अन्य सवारी साधनमा रोक लगाइएको छ । स्थानी तहभित्र सञ्चालन हुने सवारी साधनमा पनि प्रशासनले प्रतिबन्ध लगाएको छ । जिल्लामा कोरोना महामारी वृद्धि हुन थालेपछि वैशाख ३१ गते राति सम्म निषेधाज्ञा जारी गर्नुपर्ने अवस्था आएको प्रमुख जिल्ला अधिकारी चन्द्रबहादुर शिवाकोटीले बताए ।

एम्बुलेन्स, खाद्य आपूर्ति, मेडिकल, सञ्चार, सेवाप्रवाहका सवारी साधनसहित खाद्य पसल खुल्ला गरिएको छ । बजार क्षेत्रमा सुरक्षाकर्मीले माइक मार्फत घरभित्र सुरक्षित बस्न उर्दि जारी गरिरहेका छन् ।

मुगुका कोरोना संक्रमितको संख्या २४ पुगेको छ ।