खाता नखोल्दा भत्ता रोकियो

गाउँपालिकाले ९ महिनादेखि सामाजिक सुरक्षा भत्ता निकासा नगर्दा ज्येष्ठ नागरिक बढी समस्यामा परेका छन् । भत्ता नपाउँदा खाद्यान्न, लत्ताकपडा र दैनिक उपभोग्य सामग्री खरिद गर्न समस्या भएको थापाले बताए । टमटा दमका रोगी हुन् । ‘नियमित औषधि सेवन गर्नुपर्छ,’ उनले भने, ‘अरू आम्दानीको बाटो छैन, भत्ता नपाएपछि घरेलु उपचारको भर पर्नुपरेको छ ।’

गाउँपालिकाका अनुसार ११ वडामा ६० देखि ७० वर्षसम्मका करिब २ हजार र ७० वर्षमाथिका ३ हजार ज्येष्ठ नागरिक छन् । मासिक रूपमा भत्ता वितरण नहुँदा अधिकांश ज्येष्ठ नागरिक मर्कामा परेको श्रीकोटका गोकर्ण शाहीले बताए । ‘लामो समयदेखि भत्ता रोकियो, कर्जा कारेर परिवारको खर्च चलाउनु परेको छ,’ उनले भने, ‘अरू स्रोत नहुँदा भत्ताकै भर थियो, नपाएपछि विपन्न नागरिकले ठूलो सास्ती भोगिरहेका छौं ।’

अधिकांश ज्येष्ठ नागरिकले बैंक खाता नखोलेकाले सुरक्षा भत्ता वितरणमा ढिलाइ भएको गाउँपालिका अध्यक्ष उब्जन शाहीले बताए । उनका अनुसार सुरक्षा भत्ता लिन यो वर्षदेखि बैंक खाता अनिवार्य गरिएको छ ।