राडीबजारमा लगाइएको निषेधाज्ञा हट्यो
रुकुम पश्चिम — आठबीसकोट नगरपालिकाको केन्द्र ९ नम्बर वडाको राडीबजारमा लगाइएको निषेधाज्ञा हटाइएको छ । जिल्ला प्रशासनले बिहीबार मध्याह्न १२ बजेदेखि लागू हुने गरी निषेधाज्ञा हटाएको हो ।
प्रमुख जिल्ला अधिकारी बद्रीनाथ गैह्रेले ६ गते बेलुकी ५ बजेबाट चार किल्ला तोकी लगाइएको निषेधाज्ञा हटाइएको जानकारी दिए ।
नेकपा र नेपाली कांग्रेसका कार्यकर्ताबीच ६ गते दिनभर झडप भएपछि स्थिति नियन्त्रणमा लिन प्रशासनले निषेधाज्ञा लगाएको थियो । अहिले अवस्था सामान्य रहेको भन्दै प्रशासनले निषेधाज्ञा हटाएको हो ।
प्रकाशित : माघ ८, २०७७ १२:०८प्रतिक्रिया