हुम्लामा हिमपात सुरु

यो वर्ष हुम्लामा पहिलोपटक हिमपात भएको हो । बिगतमा मंसिरबाटै हिमपात हुने गरे पनि यस वर्ष ढिलो हिमपात सुरु भएको हो । हिमपातपछि तापक्रम माइनसममा झरेको छ । हिल्सा, लिमी, यालवाङ, मुचु , केर्मीमा पशुबस्तु गोठबाट निकाल्न समेत गाह्रो भएको स्थानीयबासी कुगा लामाले बताए । सिमा सुरक्षामा खटिएको सशस्त्र प्रहरी बलको टोलीले गस्ती बन्द गरेको छ ।

हिमपातले किसानलाई भने खुसि बनाएको छ । जेठासी बाली जौं, गहुँ र उवा छर्ने समयमा हिमपात हुँदा जोत्नलाई सहज हुने भएपछि किसान खुसि भएका हुन् ।