२५.१२°C काठमाडौं
कोइली खोलाले बगाउँदा एकको मृत्यु
कपिलवस्तु — वाणगङ्गा नगरपालिका–७ मा कोइली खोलाले बगाउँदा एकको मृत्यु भएको छ । दाउरा संकलन गर्ने क्रममा कोइली खोलाले बगाएर एक जनाको मृत्यु भएको प्रहरीले जानकारी दिएको छ ।
सुकुम्बासी टोलका स्थानीय ४० वर्षीय लौटन थारुलाई आइतबार बिहान ७ बजे दाउरा सङ्कलन गर्ने क्रममा कोइली खोलामा आएको बाढीले बगाएको हो । लौटनलाई बाढीले बगाएर मृत्यु भएको इलाका प्रहरी कार्यालय पिपराका प्रहरी निरीक्षक गोपालजङग रायमाझीले बताए ।
लौटनको शव बगाएको ठाउँबाट दुई किलोमिटरको तल फेला परेको रायमाझीले जानकारी दिए ।
प्रतिक्रिया
