युवती हत्याका आरोपित १५ महिनापछि पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नेपालगञ्ज — १५ महिनादेखि फरार रहेका युवती हत्याका आरोपितलाई बाँके प्रहरीले पक्राउ गरी सार्वजनिक गरेको छ । गत वर्षको वैशाख २९ गते नेपालगन्जकी २२ वर्षीया सुमदरानी थारुको घाँटी रेटी हत्या भएको थियो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![युवती हत्याका आरोपित १५ महिनापछि पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/1719581153985-2862024040317-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनको हत्यामा संलग्न रहेको आरोपमा प्रहरीले बर्दियाको राजापुर नगरपालिका-८ घर भएका २६ वर्षीय शैलेन्द्र चौधरीलाई पक्राउ गरेको हो । चौधरीलाई बाँकेको जानकी-१ पचपोखरास्थित नेपाल-भारत सीमा क्षेत्रबाट पक्राउ गरिएको प्रहरीले जनाएको छ ।
जिल्ला प्रहरी कार्यालय बाँकेबाट प्रहरी निरीक्षक सुजन शाहको कमाण्डमा खटिएको प्रहरी टोलीले शैलेन्द्रलाई जानकी-१ पचपोखरास्थित नेपाल-भारत सिमा क्षेत्रबाट पक्राउ गरेको बाँके प्रहरीका प्रवक्ता प्रहरी नायव उपरीक्षक नारयण डाँगीले बताए ।
पक्राउ परेका चौधरीलाई बाँके जिल्ला अदालबाट ५ दिन म्याद थप अनुमति लिई थप अनुसन्धान एवं कारवाहीको प्रक्रिया अगाडि बढाइएको प्रहरीले जनाएको छ ।
प्रकाशित : असार १४, २०८१ १९:५६