सिसवाका आगलागी पीडितलाई खाद्यान्न र लत्ताकपडा वितरण

जिल्ला प्रशासन कार्यालयले समन्वय गरेर रेडक्रस सोसाइटी शाखा र विजयनगर गाउँपालिकाले तत्कालै राहत प्रदान गरेका छन् । रेडक्रसले आगलागि पीडित २५ का लागि त्रिपाल एक थान, ब्लयांककेट दुई थान, कपडा र भाँडाकुँडा सेट एक/एक थान वितरण गरेको प्रमुख जिल्ला अधिकारी शंकरहरि आचार्यले बताए ।

त्यस्तै, विजयनगर गाउँपालिकाले बढी क्षति भएका ९ घरमा ५ हजार बराबरको खाद्य सामग्री प्रदान गरेको छ । यसले उनीहरुलाई साँझ बिहानको छाक टार्न सहज भएको वार्ड अध्यक्ष अनवर मुसलमानले बताए । स्थानीय कुसुम पासीको घरबाट सुरु भएको आगलागीबाट एक करोडभन्दा बढीको क्षति भएको उनले बताए । शिवराज र कृष्णनगर नगरपालिका, प्रहरी, सशस्त्र प्रहरी र स्थानीयको सहयोगमा तीन घन्टापछि आगो नियन्त्रण आएको थियो ।