तनहुँमा जन्ती बोकेको जिप दुर्घटना : २ जनाको मृत्यु, १६ घाइते   

बरादी-हिलेखर्कस्थित भित्री सडकखण्डमा जन्ती लिएर गइरहेको बा१८च ५९२१ नम्बरको जिप दुर्घटना हुँदा दुई जनाको मृत्यु भएको हो ।

दुर्घटनामा आबुखैरेनी-६ छापस्वाराका ७२ वर्षीय आसबिर गुरुङको घटनास्थलमा र ब्यास नगरपालिका-९ गजौडेका १७ वर्षीय तुलसी गुरुङको चितवनमा उपचारका क्रममा मृत्यु भएको जिल्ला प्रहरी नायब उपरीक्षक मोहनबहादुर खाँणले जानकारी दिए ।

अनियन्त्रित भई जिप सडकबाट करिब ५ सय मिटर तल खसेको छ । दुर्घटनामा १६ जना घाइते भएका छन् । उनीहरुको आँबुखैरेनी अस्पतालमा उपचार भइरहेको प्रहरीले जनाएको छ ।