मिल्स कप क्रिकेट : वाईआरसीसी फाइलनमा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
विराटनगर — एनवीएससी क्रिकेट क्लब विराटनगरलाई १ सय १६ रनले हराउँदै विराटनगरकै वाईआरसीसी क्रिकेट क्लब तेस्रो संस्करणको मिल्स कप टी–२० क्रिकेट प्रतियोगिताको फाइनलमा प्रवेश गरेको छ ।
![](https://assets-cdn.ekantipur.com/uploads/source/ads/900x100-1172024092759.gif)
![मिल्स कप क्रिकेट : वाईआरसीसी फाइलनमा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/man-of-the-match-1852024034638-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
वाईआरसीसीले उपाधिका लागि भारत कटिहार र विराटनगरको होराइजन क्रिकेट क्लब बीचको विजेतासँग सोमबार प्रतिस्पर्धा गर्ने छ । विराटनगर जुटमिलको खेलमैदानमा शनिबार टस जितेर व्याटिङ गरेको वाईआरसीसीले १९ ओभर ४ बलमा सबै विकेट गुमाउँदै २ सय ५२ रनको चुनौती प्रस्तुत गर्दा इमरन नाजिरले आक्रमक ब्याटिङ शतकीय इनिङ खेले । ३८ बलको सामना गरेका उनले १४ छक्का र ३ चौका हिर्काउँदै १ सय ४ रन बनाए । उनी प्लेर अफ द म्याच भए ।
देव खनालले २६ बलमा ६ छक्का, ६ चौका हिर्काउँदै ६१ रनको योगदान गरे । यसअघि खनालले २९ बलमा शतक बनाएका थिए । शुक्रबार ३८ बलमा शतक बनाउँदै ६२ बलमा अविजित १ सय ७७ रन बनाएका अभिषेक पाठकले शनिबार २३ रनको पारी खेले ।
एनवीएससीका बलर अनुभवले ५ तथा राहुल र किशोरले समान २ विकेट लिए । २ सय ५२ रनको लक्ष्य पछ्याएको एनवीएससी १२ ओभर १ बलमा अलआउट हुँदै १ सय ३५ रनमा रोकियो । उसका लागि राहुल रिमालले २० बलमा ५० रन बनाए । उनले ७ छक्का र १ चौका हाने । राहुल चौधरीले २० बलमा ४७ रन बनाउँदा अन्य ब्याटरले दोहोरो अंक ल्याउन सकेनन् ।
वाईआरसीसीका अभिषेक पाठकले ४ र नारायण जोशीले ३ विकेट झारे । आइतबार भारत कटिहार र विराटनगरको होराइजन क्रिकेट क्लबबीच अन्तिम सेमिफाइनल खेल हुने छ ।
![](https://assets-cdn.ekantipur.com/uploads/source/ads/900-x-100-0172024023126.gif)