तनहुँ-१ उपनिर्वाचन : मतगणनास्थलमा सीसीटीभी जडान

उनले भने, ‘मतगणनालाई निष्पक्ष र विश्वसनीय बनाउन मतगणनास्थलमा सीसीटीभी जडान गरिएको छ । दुईवटा कोठामा मतगणना गरिनेछ । मतगणनास्थलमा तारजालीको व्यवस्था पनि गरिसकिएको छ ।’

निर्वाचन आयोगले दिएको निर्देशनबमोजिम सुरक्षितरुपमा मतगणनाका लागि स्थल तयार पारिएको उनले बताए । ‘सबैलाई चित्तबुझ्दो गर्ने गरी भरपर्दो, सुरक्षित बनाउन आयोगले दिएको निर्देशनबमोजिम मतगणनास्थल बनाउँछौं,’ उनले भने, ‘आइतबार मतदान सकिएपछि सुरक्षितरुपमा सबै मतदान केन्द्रबाट मतपेटिका दमौली ल्याइनेछ । मतपेटिका ल्याइसकेपछि सर्वदलीय बैठकपश्चात् मतगणना सुरु गरिनेछ ।’