म्याग्दीमा जीप दुर्घटना हुँदा एकको मृत्यु, ४ जना घाइते

दुर्घटनामा परेर रघुगंगा गाउँपालिका–१ बेगका खिमनाथ शर्माको घटनास्थलमै मृत्यु भएको रेडक्रस बेग उपशाखा सविच खिमबहादुर फगमीले बताए ।

दुर्घटनामा चार जना घाइते भएका छन् । जीप सडकदेखि तल रहेको जंगलमा खसेकोले अन्य यात्रुको खोजी भइरहेको छ ।

‘एक जनाको घटनास्थलमै मृत्यु भएको छ । चार जना घाइतेको उद्धारका लागि बेनीबाट रेडक्रसको एम्बुलेन्स झिकाएका छौं । जीपमा ८ जना यात्रु चढेको भन्ने खबर अनुसार दुर्घटनास्थलमा अन्य यात्रुको खोजी भइरहेको छ,’फगामीले भने, ‘उकालो सडकबाट जीप भिरालो जंगलमा खसेको छ । घाइतेलाई सरदमुकाम पठाउने र स्थानीयको सहयोगमा अन्य यात्रु खोजी भइरहेको छ ।’