प्रधानन्यायाधीशको राजीनामा माग्दै गोरखामा कानुन व्यवसायीको धर्ना
गोरखा — प्रधानन्यायाधीश चोलेन्द्रशमशेर जबराको राजीनामा माग्दै सदरमुकामस्थित जिल्ला अदालतको प्रवेशद्वार अगाडि आइतबार कानुन व्यवसायीहरुले धर्ना दिएका छन् ।
धर्नामा सहभागी कानुन व्यवसयीले हातमा कालो पट्टी बाँधेका थिए ।
न्यायपालिकाको गरिमा कायम राख्न नसक्ने विवादित प्रधानन्याधीशको राजीनामा माग गर्दै कालोपट्टी बाँधेर नेपाल बार एसोसियसनले बिहान १० वजेबाट एक घन्टा धर्ना दिएको थियो ।
न्यायपालिकाको विकृति, विसंगति र भ्रष्टचारविरुद्धको नेपाल बारको अभियान अन्तर्गत धर्ना दिएको नेपाल बार एसोसियसनका गोरखाका अध्यक्ष यादव शर्माले बताए ।
प्रकाशित : कार्तिक २८, २०७८ १३:३८प्रतिक्रिया
