मानव बेचबिखनको अभियोगमा दुई पक्राउ- गण्डकी - कान्तिपुर समाचार
कान्तिपुर वेबसाईट
AdvertisementAdvertisement

मानव बेचबिखनको अभियोगमा दुई पक्राउ

रासस

काठमाडौँ — मानव बेचबिखन तथा ओसारपसारमा संलग्न भएको अभियोगमा कास्की प्रहरीले दुई जनालाई पक्राउ गरेको छ ।


पोखराको लेकसाइडस्थित होटल ड्रिमल्याण्डमा महिलालाई काममा लगाइदिन्छु भन्दै प्रलोभन तथा डरत्रास देखाई यौन शोषण गर्न लगाउने गरेको सूचनाको आधारमा वडा प्रहरी कार्यालय बैदामबाट खटिएको प्रहरी टोलीले पोखरा–१७ बिरौटा बस्ने ४२ वर्षीय सुरेश तामाङ र बारा कोल्बी नगरपालिका १ कोल्बीका २६ वर्षीय ऋषि भट्टलाई पक्राउ गरेको प्रहरी नायब उपरीक्षक सुवास हमालले जानकारी दिए ।

उनीहरू दुवैलाई मानव बेचबिखन तथा ओसारपसार मुद्दामा कास्की जिल्ला अदालतबाट १० दिन म्याद थप अनुमति लिई अनुसन्धान गरिरहेको प्रहरीले जनाएको छ ।

प्रकाशित : कार्तिक ८, २०७८ २१:५९
प्रतिक्रिया
पठाउनुहोस्

निजी क्षेत्रमैत्री बजार नीति बनाउन ध्यानाकर्षण

अमृता अनमोल

बुटवल — च्याम्बर अफ कमर्स लुम्बिनी प्रदेशले निजी क्षेत्रमैत्री बजार नीति तथा कानुनहरुको अविलम्ब निर्माण गर्न माग गर्दै सरकारको ध्यानाकर्षण गराएको छ ।

मुख्यमन्त्री कुलबहादुर केसीलाई सोमबार ३२ बुँदे ध्यानाकर्षण पत्र बुझाउँदै निकासी पैठारीका लागि सरकारले निकै कम कानुनहरु निर्माण गरेकाले यसलाई बढाउन माग गरेको छ । प्रदेशका राजश्व संकलक कार्यालयहरुलाई कर दातामैत्री बनाउन तथा भन्सार केन्द्रित अर्थतन्त्र निरुत्साहित हुनेगरी सरकारी नीति बनाउन सरकारसमक्ष माग राखेको छ । मागपत्रमा प्रदेशमा उपलब्ध कच्चा पदार्थमा आधारित उद्योगको स्थापना तथा विकासलाई सरकारले उच्च प्राथमिकतामा राख्न आग्रह गरेको छ ।

प्रदेश सरकारले आयोजना गर्न लागेको लगानी सम्मेलनमा आफूहरु उत्सुक भएको जनाउँदै च्याम्बर अफ कमर्सले सम्मेलनमा निजी क्षेत्रको सहकार्यलाई उच्च महत्त्व दिन आग्रह गरेको छ । ‘लगानी सम्मेलन र प्रदेशमा उत्पादित सामग्रीहरुको प्रदर्शनी मेला आयोजनालाई उपलब्धिमूलक ढंगले सम्पन्न हुने गरी निरन्तरता दिन र त्यस्ता कार्यक्रमहरु आयोजना गर्दा निजी क्षेत्रलाई सहकार्यको अवसर प्रदान गर्न आग्रह गर्दछौं ।’ मागपत्रमा उल्लेख छ ।

कमर्सका अध्यक्ष टंक पोखरेलको नेतृत्वमा गएको टोलीले बुटवलको मोतिपुर औद्योगिक क्षेत्रको निर्माण कार्य अगाडि बढाउन पहल गरी प्रदेशमा लगानी र औद्योगिकीकरणको आधार तयार गर्न पनि सरकारसमक्ष आग्रह गरेको छ । यसअघिका दुई वटा लकडाउनले अर्थतन्त्रलाई धराशायी पारेको अवगत गराउँदै च्याम्बर अफ कमर्सले मुख्यमन्त्री केसीसमक्ष कोभिड–१९ को लागि भ्याक्सिन, स्वास्थ्य उपकरण तथा अस्पताल शय्याको उचित व्यवस्थापन गर्न पनि माग गरेको छ ।

मागपत्र बुझ्दै मुख्यमन्त्री केसीले प्रदेशको विकासका लागि निजी क्षेत्रको सहकार्य अपरिहार्य रहेकाले मागलाई सरकारले छिट्टै छलफलमा लैजाने बताए । उनले निजी क्षेत्रसँग सरकारले हातेमालो गरेर अगाडी बढ्ने प्रतिबद्धता पनि जनाए ।

प्रकाशित : कार्तिक ८, २०७८ २१:५६
पूरा पढ्नुहोस्
प्रतिक्रिया
पठाउनुहोस्
×