सर्पले डसेर मध्यविन्दुमा एक किशोरीको मृत्यु- गण्डकी - कान्तिपुर समाचार

सर्पले डसेर मध्यविन्दुमा एक किशोरीको मृत्यु

नारायण शर्मा

नवलपरासी पूर्व — नवलपरासी पूर्वको मध्यविन्दु नगरपालिकामा एक किशोरीको सर्पदंशबाट मृत्यु भएको छ । 

जिल्ला प्रहरी कार्यालयका अनुसार मध्यविन्दु नगरपालिका वडा नम्बर १३ कोटथर निवासी १४ वर्षीया प्रबिता कार्कीलाई सर्पले डसेको थियो । गोठमा राखेको कपडा झिक्न जाँदा उनलाई सर्पले डसेको प्रहरीले जानकारी दिएको छ ।

उपचारका क्रममा भरतपुर अस्पतालमा उनको गएराति अबेर मृत्यु भएको प्रहरीले जनाएको छ । जिल्ला अस्पतालमा उपचार हुन नसकेपछि उनलाई गएराति नै भरतपुर अस्पताल लगिएको थियो ।

प्रकाशित : आश्विन १९, २०७८ ११:०८
प्रतिक्रिया
पठाउनुहोस्

कावासोतीले कोरोनाबाट मृत्यु भएका व्यक्तिका परिवारलाई ५० हजार रुपैयाँ दिने

नारायण शर्मा

नवलपरासी पूर्व — कावासोती नगरपालिकाले कोरोना संक्रमणका कारण ज्यान गुमाएका परिवारलाई ५० हजार रुपैयाँ दिने भएको छ । 

कावासोती नगरपालिकाका उपमेयर प्रेमशंकर मर्दनियाले नगरपालिकाभित्र कोराना संक्रमणले ज्यान गुमाएका व्यक्तिका परिवारलाई सहयोगस्वरूप प्रतिपरिवार ५० हजार रुपैयाँ दिने निर्णय भएको जानकारी दिए । यो रकम दसैंअगाडि नै वितरण गरिने पनि उनले बताए ।

कावासोती नगरपालिकाभित्र गत १९ महिनाको अवधिमा ५५ जनाको कोरोना संक्रमणबाट ज्यान गएको छ ।

प्रकाशित : आश्विन १९, २०७८ ०८:५०
पूरा पढ्नुहोस्
प्रतिक्रिया
पठाउनुहोस्
×