गोरखामा ढुंगाले च्यापेर एक जनाको मृत्यु
गोरखा — गोरखामा ढुंगाले च्यापेर एक जनाको मृत्यु भएको छ । बाटो बनाउनका लागि ढुंगा निकाल्ने क्रममा च्यापेर सहिद लखन गाउँपालिका–८ वराहफाँटका ४५ वर्षीय वीरबहादुर परियारको मृत्यु भएको हो ।
वडा नम्बर ८ को बाटो निर्माणका लागि परियार ढुंगा निकाल्न ढोडेनी पाखा पुगेका थिए । त्यस क्रममा खसेको ढुंगा टाउकोमा बज्रिँदा परियारको घटनास्थलमै मृत्यु भएको जिल्ला प्रहरी कार्यालय गोरखाका डिएसपी प्रकाश दाहालले बताए । शव पोष्टमार्टमको लागि गोरखा अस्पताल ल्याउने क्रममा रहेको पनि प्रहरीले जनाएको छ ।
प्रतिक्रिया