लमजुङमा चट्याङ लागेर ५ भैंसी मरे
लमजुङ — चट्याङ लागेर क्व्होलासोंथर गाउँपालिका–४ भुजुङको लेक स्यालुमा ५ वटा लैनो भैंसी मरेका छन् ।
चरनक्षेत्रमा पानी परेपछि ओत लाग्न रुखमुनि रहेका बेला चट्याङ खस्दा भैंसी मरेका किसान रुनबहादुर गुरुङले बताए । सोमबार साँझ करिब ५ बजे परेको चट्याङले आफ्नो मात्रै ३ वटा भैंसी मरेका उनले बताए । बाँकी भैंसी बीबहादुर गुरुङ (इना) का हुन् ।
भुजुङस्थित लालीगुराँस युवा क्लबका अध्यक्ष नौराज गुरुङले किसानको करिब ३ लाख ५० हजार रुपैयाँ नोक्सान भएको बताए ।
प्रतिक्रिया
