पोखरा — स्याङ्जाको गल्याङ नगरपालिका–१ राम्दीमा माथिबाट खसेको पहिरोले घर पुर्दा एक महिलाको ज्यान गएको छ । पहिरोले सिद्धार्थ राजमार्ग अवरुद्ध भएको छ । केही समयअघि मात्रै खसेको पहिरोले तीन घर पुरेको स्याङ्जा प्रहरीले जनाएको छ ।
उक्त पहिरोमा परेर वालिङ नगरपालिका–१४ की धनमाया उम्रामगरको मृत्यु भएको स्याङ्जा प्रहरी प्रमुख एसपी होविन्द्र बोगटीले बताए ।
पहिरो छिचोलेर उद्धार गरिएका ३ जना घाइतेलाई उपचारका लागि पाल्पा पठाइएको छ । पुरिएका घरमा के–कति जना थिए भन्ने खुलेको छैन ।
प्रकाशित : भाद्र १३, २०७८ १७:३४प्रतिक्रिया
